الثلاثاء، 24 مارس 2009

ياعينى على الطيبه !!!



ياعينى على طيبه بقت فى زمنا عيبه


ياعينى على حنيه بقت فى زمنا معدومه

ياترى العيب فينا والا العيب فى الزمن؟؟؟؟؟؟

هى القسوه بقت طبع فيكم؟

والا الحنيه بقت عيب فينا؟

ليه الناس بقت قلوبها حجر!!!!؟؟؟؟

وقف نبضها ومات احساسها

قتلت طيبتها ودفنت حنانها

وعيونها مليانه حقد وحسد

تغلط فى ده وتجرح فى ده


وتعيب فى الناس والعيب فيها

وتطعن القلوب بسيوف مسمومه

وتشوف الجرح بينـــــــــــــــزف



وتدوس على الجرح اكتر واكتر

هى دى متعتــــــهم؟؟

هو ده شعــــــــارهم؟؟

قسـوه ....حقـد....كـره....وحسـد

ضيعتوا معنى الحب ..ضيعتوا معنى الود

فى قلوب صــــــــافيه ونقيــــــــه

فى قلوب مليانه حب وحنيــــــه

لا تعرف خداع ولا تعرف نفـــاق
قلوب ملاها حب ربنا

دى الرحمه امرنا بيها ربنا

ارحموا من فى الارض يرحمكم من فى السماء




بس اكيد العيب فينا مش فى الزمن

احنا اللى عايشين فى الزمن

احنا اللى غيرنا فطرتنا

غيرناها من حب لكره ومن حنيه لقسوه


وصدق الامام الشافعى عندما قال

نعيب زماننا والعيـب فينـاوما لزماننا عيـب سوانـا


ونهجوا ذا الزمان بغير ذنبٍولو نطق الزمان لنا هجانـا


وليس الذئب يأكل لحم ذئبٍويأكل بعضنا بعضا عيانـا

هناك 9 تعليقات:

عمك ياض يقول...

ليه بس الحزن ده كله..
هو انتي عندك حق ان الحاجات دي بقت منتشره وظاهره اوي للاسف.. بس في نفس الوقت واللي فيه جانب اخر كويس في كل انسان كمان.. وفيه ناس عامه كويسين بعيدا عن الناس دول..
بس فعلا الوحش ذاد وغطى..
لكن في الاخر الكويس موجود وبيذيدو بشكل او باخر :)

Ophelia - cfd يقول...

ليه بس كدا

هونى على نفسك حبيبتى , الصفات البغيضه دى كترت

أه لكن فى قصداها ناس قلوبهم بيضا زى اللبن الصافى

العيب مش فى الزمن العيب فى الناس اللى بعدت عن ربنا وبقت تحب نفسها ومصلحتها وبس ..

ربنا يهون :)

Resala يقول...

مع ان كلامك واقعى جدا
لكن انا عن نفسى بحب انظر للدنيا بنظاره التفائل
ده شئ بيخفف عننا كتييييييييير
وبيخلينا نتحمل مصاعب الحياه
بوست جميل
وكلمات رائعه
تقبلى مرورى
واسمحيلى نبقى اصدقاء
وانا هضيف مدونتك عندى
(يعنى وراكى وراكى....هههههههه)

saragebaly يقول...

السلام عليكم ورحمة الله وبركاته

دي اول مرة ليا اجي مدونتك

بجد جميلة ورقيقة

البوست كلماته حلوة .. فيها حزن كبير اوي

بس

لسة دنيتنا فيها ناس جميلة
طيبين وحلوين
بتحب بصدق واخلاص

زي مافيه الوحش لسة الحمدلله فيه الكويسين

بلاش تبصي للجانب المظلم للحياة .. هتتعبي اوي

دي نصيحة كانت من صديقة غالية اوي
وجربت اعمل بكلامها
وابص للجزء المنور

لاقيت ان الحياة حلوة

ممكن من غير ما نحس نلاقي ان شبابنا ضاع في الحزن وبكاء على الاطلال

بكرة اكيد احلى ..


انا اسفة على الاطالة

تقبلي مروري وتقديري لكِ ولقلبك الجميل

تحيااتي
سارة

ghorBty يقول...

السلام عليكم

بارك الله فيك اختي صمت الحنين

والله عندك حق في كل كلمه ربنا يرحمنا برحمته

اصبح الكثير من كالالات تحركه المصالح وحب الذات ودا نتيجته كل اللي انت قلتيه

بس زي ما الرسول عليه الصلاة والسلام قال ( الخير في امتي اٍلي يوم الدين ) فيه ناس كويسه كتير فابحثي ستجدي من هم مثلك بقلوب بيضاء محبه للخير

لا تجعلي ما تريه حولك يؤثر عليك فنحن اولا واخيرا نعامل الله ونرجوه منه الفضل والثواب

ادام الله عليك قلبك الطيب المنير

اني احبك في الله

دمت بكل خير وسعاده

حياه بلا عنوان يقول...

السلام عليكم صمت الحنين مدونتك جميله ورقيقه جدا والبوست كمان جميل وواقعى جدا تحياتى

Remas يقول...

مدونتك جميلة جدا
وواضح انك انسانة رقيقة

وعندك حق الوحش اصبح كتير اوى

والطيبة اصبحت هبل او ضعف في نظر البعض

الابيات اللى قلتيها من اكتر الابيات اللى بحبها بجد لانها واقعية جدا

تحياتى لكى

مهندس الاهات يقول...

جميله جداوتسلم ايدك بس فيه ناس كويسين

موناليزا يقول...

لاننا لسه فى الدنيا وده العادى بتاعها