الأربعاء، 1 أبريل 2009

سأبحث عن عالمى .


سأبحث عن عالمى

قالوا لى الطيب فى زمنا ده ملوش مكان

دى الطيبه دى كانت عهد وفات من زمان

مبقاش فى قلوب الناس غير قسوه مبقاش فيها احسان

قلت يااااه للدرجه دى انعدم فى قلوب الناس الحنان


قالوا لى الطيب فى زمنا ده محكوم عليه بالإعدام

وأصدرت حكم الإعدام محكمة القلوب القاسية

وقررت إعدام مشاعره وحبه وإحساسه

قلت يااااه للدرجه دى سيطرت القسوة على قلوب الناس


قالوا لى علشان تعيش فى زمنا ده لازم تخادع

ومفيش مانع إنك تنافق وتقول كلام من ورا قلبك

وياسلام عليك لو قلت شوية مجاملات

قلت يااااه للدرجة دى إنعدم الصدق حتى فى الكلام


قالوا لى علشان تعيش فى زمنا ده لازم تتغير

لازم تنسى حاجه اسمها حب , حنيه , رحمه

لازم قلبك يبقى حجر يبقى صخر

قلت يااااه للدرجه دى انعدم الحب والاخلاص


فأنا لا أستطيع العيش فى عالمكم هذا

ولن أتحول مثلكم

فهذا ليس عالمى

سأبحث عن عالم

غير عالمكم هذا

عالم

مليان بحب الله قبل كل شىء

مليان بالصدق والاخلاص

بالحب والوفاء

عالم

مليان بالقلوب النقية

قلوب مفيهاش قسوه ولا حقد

مفيهاش غير طيبه وحنيه

عالم

فيه الناس عايشين زى الملايكه

بيحبوا بعض

بيخافوا على بعض

بيتمنوا الخير لبعض

سأبحث عن هذا العالم لعلى أجده فى يوم من الأيام

هناك 14 تعليقًا:

وردة يقول...

اول


تعليق



بركوووووولي

وردة يقول...

ربنا يكرمك يا حبيبتي بحب الله
ده اغلي واحسن حاجة في الدنيا
بس اللي قلبه طيب زيك اكيد حيلاقي قلوب جميلة زيه
واللي ربنا بيحبه بيحبب فيه خالقه
انتي جميلة
وطيبة جدا
ربنا يكرمك
البوست بتاعك جمييييل جدا
تسلم ايدك
سلام

غير معرف يقول...

ما شاء الله

كلام نقي وجميل

يسلم ايديك اختي

وادام الله عليك هذا القلب الطيب

Hanan Elshafey يقول...

لما تلاقي العالم ده ابقي قوليلي طريقه فين لاني بصراحه تعبت ادور عليه
تحياتي

ghorBty يقول...

وما زلنا في الدنيا

وحلمنا ستحقق هناك في الجنه ربنا يجعلنا من اهلهاهناك سنجد القلوب النقيه

(وَنَزَعْنَا مَا فِي صُدُورِهِم مِّنْ غِلٍّ إِخْوَانًا عَلَى سُرُرٍ متقابلين )

انا مثلك هكذا احلم واتمني ذلك لكن كنت بتعب كثيرا مما اري واسمع ولكن الحمد لله تعلمت ان اعامل رب العباد ولا ابالي بما اري اقابل الاساءد بالاحسان وانتظر من الله الثواب

واكيد هناك كثير من الناس فيهم خير وحوالينا بس احنا ندور عليهم وندعي ربنا ان يرزقنا الرفقه الصالحه في الدنيا والاخره

ربنا يبارك فيك يا صمت وفي قلبك الطيب

دمت بخير

Resala يقول...

كلمات اكثر من رائعه بجد
ولكن اختى هذه طبيعه الحياه
ولن نجد صفاء القلوب والنفوس الا عند القليل من الناس
ولكن وجود مثل هؤلاء بعد رحمه الله
هوه من يهون علينا ما نلاقيه من غدر وخداع وقسوه
بوست واقعى وجميل جدا
واسمحيلى اكون ضيف دائم عندك
واسمحيلى كمان اضيف مدونتك عندى
واتمنى اننا نبقى اصحاب

تقبلى مرورى
جيمى

ghorBty يقول...

واين طيفك يا صمت الحنين

ان شاء الله تكوني بخير

:)

حياه بلا عنوان يقول...

السلام عليكم بوست جميل والكلمات فيه جميله جدا مشاء الله ربنا يوفق يارب

ذو الوجه المبتسم يقول...

السلام عليكم
الاحساس بالاختلاف عن الاخرين موجود
فى معظم البشر
والاحساس بالبحث عن العالم الاخر موجود
لكن الاهم هو ازاى نلاقى العالم ده
الاتجاه الى الله - البعد عن مظاهر الدنيا
كل ده كتير منا عارفينه
المهم اننا نبدأ الرحلة بالفعل
تقبلى تحياتى

وجدان جريح يقول...

كلمات جميله قوى بجد بتعبر قد ايه انتى حد طيب وتعبان قوى من حال الدنيا


الطيبه المجرده ف الوقت د مش تنفع لازم تكون طيب بذكاء وبقوه شخصيه مش طيبه وبس

وباذن الله ف يوم من الايام هتلاقى العالم اللى بتدورى عليه

تحياتى

بنت مصر يقول...

انتي بتدوري على المدينة الفاضلة وعايزة تعيشي فيها

يا بنتي احنا في المدبنة الواقعية اللي الطيبة فيها بتتقابل بالسخرية

اتمنى لكي التوفيق في حياتك

تقبلي مروري

Mohamed Nagah يقول...

مدونه رائعه

ادعوكم للتواصل بمنتدى البيت العربى للتصميم

http://mohamed-nagah.com/vb/

منتدى رائع ومتخصص فى برامج المالتى ميديا والجرافيك والثرى دى وتعليمى وتحميل
http://mohamed-nagah.com/vb/

nisanur23 يقول...

بسم الله الرحمن الرحيم
السلام عليكم ورحمة الله وبركاته
hello my friend,
how are you?sister
I from Türkiye
from Ankara
very beautiful your blog's
في أمان الله

بـــــــــــــــــــــــــــــــــــــــــــــــوها يقول...

الكلام جميل ما شاء الله
بس ليه في نبرة حزن جامدة اوي كده
الحياة حلوة حتي
ولا تقنطوا من رحمة الله