الثلاثاء، 23 يونيو 2009

ما اجمله من مشهد .......


السلام عليكم ورحمة الله وبركاته

اليوم بعد أذان الفجر خرجت الى البلكون واستوقفنى مشهد لفت انتباهى

رايت زوج وزوجته وطفلين وقد خرجوا لصلاة الفجر بجد الموقف دا أسعدنى كثيراااا
خصوصا الطفلين ربنا يبارك فيهم يااارب
الاكبر لا يتعدى 7 سنوات والطفل الآخر لا يزيد عن 5 سنوات
وقلت ياااااه لو كل الناس تستيقظ لاداء صلاة الفجر وطفلين فى هذا السن
يستيقظوا لاداء صلاة الفجرفى حين غفل الكثير من الشباب وناموا عنها
وان كان هناك احد فى هذا التوقيت توقيت صلاة الفجر ان كان على موعد مع حبيب
او كان ينتظر برنامج او فيلم لاستيقظ قبل الموعد بساعات ولم يغفل عنه
ولو علمنا أجر صلاة الفجر ومافيها لما تركناها ابداا لعلها تنفعنا فى يوم لا ينفع فيه مال ولا بنون




فقد قال الرسول صلى الله عليه وسلم الكثير عنها
" من صلى البردين دخل الجنة " البردين : صلاة الفجر والعصر
وقال الرسول صلى الله عليه وسلم " ركعتى الفجر خير من الدنيا وما فيها "

بعض المفسرون قالوا ان المقصود بها ركعتا السنه قب الفجر
فاذا كان ذلك اجر السنه فكيف باجر الفريضه اكيد هيكون اعظم واشمل
وقال الرسول صلى الله عليه وسلم ايضا عن صلاة الفجر " لو علموا مافيها لأتوها ولو حبوا "

وكان فى مجموعه اقترحوا حاجه اسمها حملة صلاة الفجر برنة تليفون
والفكره دى عجبتنى جدااا وهى حاجه بسيطه جدااا انه مثلا لو شخص استيقظ لصلاة الفجر
يرن على موبيلات اصحابه يعطيهم بس مزد كول ويكون سبب فى انه فى شخص تانى صلى الفجر
واكيد بياخد اجر من ربنا على كدا فياااااااارب يجعلنا جميعا من أهل الفجر



وعندما ارى اب قد خرج للصلاة فى المسجد وفى يده طفله الصغير مثل هذه المواقف
تسعدنى كثيرااا خاصتا الاطفال لما يكون فى طفل صغير يذهب الى المسجد
لاداء الصلاة فيكبر وقلبه معلق بالمسجد ويكون
من السبعه اللذين يظلهم الله فى ظله يوم لا ظل الا ظله " رجل قلبه معلق بالمساجد "
فياارب يبارك فى اطفال المسلمين جميعااا

وموقف اخر يحزننى كثيراا وهو فى يوم الجمعه عندما يكون هناك الائمه تلقى الخطب فى المسجد
فى حين ان هناك مجموعه من الشباب يلهون فياحسرة عليهم فادعوا الله أن يهديهم للحق
وهنيئا لمن قلبه معلق بالصلاة والمساجد






اللهم أعنا على شكرك وذكرك وحسن عبادتك
اللهم ارزقنا حبك وحب من يحبك وحب كل عمل يقربنا اليك
اللهم انى استغفرك من كل الذنوب والخطايا واتوب اليك
لا اله الا انت سبحانك انى كنت من الظالمين



هناك 25 تعليقًا:

hager za3bal يقول...

اللهم ارزقنا حبك وحب من يحبك وحب كل عمل يقربنا اليك
اللهم انى استغفرك من كل الذنوب والخطايا واتوب اليك
لا اله الا انت سبحانك انى كنت من الظالمين

قد ايه الدعاء ده جميل اوي..:)

بوست جميل
وفعلا مشهد جميل اوي.. ربنا يثبتهم ويهدينا..

ghorBty يقول...

بسم الله ما شاء الله

ثبتهم الله وسدد خطاهم

وهدانا وجميع المسلمين الي ما يحب ويرضي

جميع ما كتبتي يا صمت دائما احب التأمل في المواقف والنظر اليه بنظره عميقه لاتحسس منها ارقي المعاني والمسجد هو بيت المسلمين الاول لو عاد اليها الجميع فسوف يتبدل حالنا من الهون والصعف الي العزه والقوة ..

ربنا يردنا اليه مردا جميلا ..

تسلمي يارب ووفقك الله وبارك فيك :)

وردة يقول...

انا مكسوفة جدااا وانا داخلة اعلق عندك
مكسوفة من نفسي لاني مش مواظبة علي صلاة الفجر رغم علمي اليقيني بفضلها
بحاول اني اصحي اصلي بس مرات كتييير بنام ومش بحس
انا بعترف وخايفة اكون بكشف ستر ربنا عني
بس يمكن اعترافي ده يخليني ارجع عندك مرة تانية واقولك اني الحمد لله انتظمت في صلاة الفجر
وبطلت اصلي يوم ويوم لاء
ادعيلي ربنا يثبتلي وخصوصا رمضان علي الابواب
ربنا يكرمنا جميعا
ويجعل البوست ده في ميزان حسناتك
سلام

osama44 يقول...

السلام عليكم
صحيح ما اجمله من مشهد
بوستك غايه فى الروعه
اتمنى انك تشرفينى فى مدونتى
دمتى بخير وسعاده

عايش... ولكن !!!! يقول...

بجد ربنا يجعله فى ميزان حسناتك
مشهد رائع ويارب يجعلنا من المقيمين الصلوات كلها بما فيها الفجر

وكيلة نيابه مع ايقاف التنفيذ يقول...

الله يكرمك يامونى بجد حقيقى حقيقى بوست هايل وفعلا من افضل النعم اللى ربنا يمن بيها علينا هى صلاة الفجر وبعدين احيانا مش برن عليكى علشان ببقى عارفه انك صحيتى فبكسل ارن ههههههههه
المهم قوليلى انتى ايه اللى يقعدك فى البلكونه بعد الفجر هههههههههه ماذا تفعلين يااختاه
بجد بحييك على البوست ده ويارب يرزق جميع المسلمين نعمة صلاة الفجر وتبقى حياتنا كلها متوقفه على هذه الصلاة

norahaty يقول...

السلام عليكم ورحمة
الله تعالى وبركاته
لا انسى ذات مرة
منذ سنوات عديدة
سألت زميلة (مسيحية )
ابن زميلتنا المسيحية
الاخرى وكان لا يتعدى عمره
الخمس اعوام:مين ابوك؟بسرعة
رد عليها:الانبا بشوى !علمت
حينها انها تسأله عن القسيس
بالكنيسة الذى يتعهده !بالتعليم
وتسألت بينى وبين نفسى كم طفلا مسلما فى مثل سنه يعرفون اسم امام الجامع القريب منهم وكم مرة ذهبوا اليه؟

كلمات من نور يقول...

يارب يارب فعلا نلاقي الناس كلها نازلة تصلي الفجر أو حتى تصحى تصليه في بيوتهم أولا وبعدين تصليه جماعة ثانيا

بارك الله فيكي يا صمت الحنين عايزين موضوعات زي دي قبل رمضان علشان نستعد لرمضان الشهر الكريم الضيف الخفيف...

من أجمل الدروس التي سمعتها للشيخ الدكتور راغب السرجاني هو درس: كيف تستيقظ لصلاة الفجر

رابط الدرس مكتوبا

http://dvd4arab.maktoob.com/archive
/index.php/t-411011.html

رابط الدرس مسموعا

http://www.islamstory.com/multimedia.php?id=20&gclid=CJy0t_iX9poCFcME3goddT-Eew

ديالا يقول...

بجد ربنا يجازيكي عننا خير

نفسي اوي لما ربنا يرزقني بزوج يعيني علي طاعه وعباده ربنا

ذكري رحيل قلم يقول...

السلام عليكم
بسم الله ماشاء الله
ربنا يسعدهم ويسعدك ياقمر بكلماتك اليقظق التي تنبهنا جميعا
في فترة من الفترات قبل الزواج كنا بنعمل موضوع الرنات وكنت في غاية السعادة به
يلرب اشوف ابني مثل هذين الطفلين
جزاكي الله خير وجعله في ميزان حسناتك
دمتي بكل حب

Hadota ... حدوتة يقول...

ماشاء الله ربنا يكرمهم بجد


ياريت كل الناس تتعلم تبقى كده


:)

تحياتى

ربنا يكرمك ويجعله فى ميزان حسناتك

:)

موناليزا يقول...

اللهم اعنا على ذكرك وشكرك وحسن عبادتك
ربنا يجعل تذكرتك هذه فى ميزان حسناتك

ريمان يقول...

شبحان الله

فعلا منظر حلو اوى اوى


يا ريت بجد نوصل لدرجه ان فى ساعه الفجر نلاقى فى الشوارع زحمه من خروج الناس لاداء صلاه الفجر

saheda.com يقول...

كن معا (الحملة الدولية للافراج عن النواب المختطفين )
بسم الله الرحمن الرحيم

الى السادة اعضاء مجلس الشعب
الى الاحرار فى كل مكان
الى الاخوة المدونين
الى من اتخذ قضية فلسطين
قضية عقيدة
الى من لديه كل جهد وامل
قادر ان يساهم معنا
لقد اقيمت
الحملة الدولية للافراج عن النواب المختطفين
من هذا المنطلق ندعوا الكل
الى السعى للافراج عن النواب الفلسطنين من سجون الاحتلال الصهيونى
كلا منا يساهم بكل طاقته
ارجوا من السادة نواب مجلس الشعب
تصعيد الحملة
فى مجلس الشعب
وفى البرلمنات الاوربية
من الاحرار فى جميع انحاء العالم
توعية الشعوب
والضغط على الحكومات
من الاخوة المدونين تفعيل الموضوع فى المدونات
ومراسلة
المدونات والمنتديات
وخصوصا الغربية
لتفعيل الحملة
وهذا جزء من حديث
الاستاذ مشير المصرى
رئيس الحملة
الدولية للافراج عن النواب المختطفين

عاشقة الأحزان يقول...

السلام عليكم

بجد جميل قووى ما كتبتى لنا
ربنا يعنا على ذكرى ربنا يارب ويسمحنا ويغفر لنا
تحياتى
انوس

عاشقة الأحزان يقول...

السلام عليكم

بجد جميل قووى ما كتبتى لنا
ربنا يعنا على ذكرى ربنا يارب ويسمحنا ويغفر لنا
تحياتى
انوس

arsenalwy يقول...

ربنا يثبتنا على صلاة الفجر

ويزيدنا ويزيدك حبا فيه

ادعوكى للمشاركة معانا فى حملتنا ومن احياها

كل التفاصيل هتلاقيها عندى فى المدونة

yoyo يقول...

ربنا يثبتك و يثبت جميعا اللهم آآمين يارب العالمين
صلاة الفجر فيها خير وبركة وراحة للفرد ليس لها مثيل
يارب يقدرنا على القيام بفروضنا على اكمل وجه
اللهم تقبل منا ومنك يارب

تسلم ايدك على الموضوع الجميل
ربنا يبارك فيكى ويجعله فى ميزان حسناتك يارب
تحياتى
يويو

حياه بلا عنوان يقول...

بجد سبحان الله مشهد فعلا جميل ربنا يبارك فى امه محمد ويزيدهم ايمان وايمان بوست جميل ربنا يبارك فيكى تحياتى

طوبة ذهب وطوبة فضة يقول...

فعلا ما اجمله من مشهد جميل اوى موضوعك تسلم ايدك ياقمرايا

heba يقول...

السلام عليكم ورحمة الله وبركاتة انا اول مرة ادخل عندك بس بصراحة عجبنى مواضيعك وموضوعك دة جميل بجد واتمنى من ربنا الهداية لككل المسلمين يارب ويصلو كل الصلوات مش بس الفجر لانى مابشوفش كتير غيريوم الجمعة تلاقى المساجد مليانة بتمنى من ربنا يهدينا يارب ويبقى كل الصلوات فى المسجد ويكرمنا يارب ويرشدنا الى الخير والثواب يارب اللهم امين يارب العالمين اللهم ثبت قلوبنا على ديننا يارب العالمين


تحياتى ليكى
heba

المجاهد الصغير يقول...

السلام عليكم ورحمه اله وبركاته
اللهم أعنا على شكرك وذكرك وحسن عبادتك
اللهم ارزقنا حبك وحب من يحبك وحب كل عمل يقربنا اليك
اللهم انى استغفرك من كل الذنوب والخطايا واتوب اليك
لا اله الا انت سبحانك انى كنت من الظالمين..اللهم امين
تقبلى مرورى
دمتى بكل خير

elsha3er يقول...

السلام عليكم

والله بلدنا وناسها مش كلهم وحشين ومش كلهم فاتحين صدرهم ولابسين سلاسل فيه برده ناس كويسة زى ما انتى قولتى والله اشعر كمان ان فى ناس كتير اتغيرت واشعر بالتغير القريب ان شاء الله


تحياتى

احمد الشاعر

فى قلبى نور يقول...

السلام عليكم ورحمة الله وبركاته ربنا يثبتنا على الطاعات ويرزقنا الصحبة الصالحةالتى تعيننا عليهاآمين

* اللهم صل على سيدنا محمد *

صمت الحنين يقول...

السلام عليكم ورحمة الله وبركاته


hager za3bal

يارب يثبتهم ويثبتنا ان شاء الله
جزاكى الله خيراا هاجر

___________________

ghorBty

ربنا يكرمك يااميره يارب
واكيد طبعا هيتبدل حالنا لو رجعنا
لسنة رسول الله واتبعنا منهجه بشكل صحيح خاصة صلاة الجماعه فى المساجد
تحسى فيها ترابط بين المسلمين وقوه وعزه
ربنا يهدى الجميع لما يحبه ويرضاه
دمتى بكل خير يااميره

__________________

وردة

انا كمان من الناس اللى كنت بنام ومش بسمع الفجر
بس تعرفى لو نويتى نيه صادقه لله انى تقومى وتعمل كل اللى فى وسعك علشان تقومى وتظبطى المنبه على وقت الفجر ان شاء الله ربنا هقدرك وهتقومى وديما ادعى ان ربنا يرزقك بصلاة الفجر
ربنا يثبتك يارب ويرزقك بصلاة الفجر
وجعل مرورك فى ميزان حسناتك ان شاء الله
دمتى بكل خير
سلام

________________

osama44

وعليكم السلام ورحمة الله وبركاته
جزاك الله خيراااا على مرورك
دمت بخير

______________________

عايش... ولكن !!!!

وجعل مرورك فى ميزان حسناتك ان شاء الله
اللهم امين

_______________________

وكيلة نيابه مع ايقاف التنفيذ

ويكرمك ياسمسمه يااارب
اكيد صلاة الفجر دى نعمه ونعمه عظيمه جداا
وبعدين ابقى رنى بردو افرضى راحت عليا نومه ومش صحيت يبقى ايه العمل ههههه
بخرج البلكونه بعد الفجر ياستى لانك عارفه بقى الجو بيبقى حار بس بصراحه فى الوقت دا بحس ان الجو بيبقى جميل اووى ومش ديما بخرج يعنى بيبقى احيانا والمره دى صادفت انى شوفت المنظر دا فرحت اوى بصراحه
يارب يتقبل دعائك
منورانى ياسمسمه

______________________

norahaty

وعليكم السلام ورحمة الله وبركاته
والله عندك حق
ودا طبعا بيرجع للتربيه من البدايه
وتنشئة الاطفال على الاسلام واتباع المنهج الصحيح له
دمت بخير

___________________

كلمات من نور

يارب يتقبل منك
وربنا يبارك فيكى يارب ويكرمك
وربنا ينفع بينا جميعا

_________________

ديالا

ويجازيك خير على مرورك
وربنا يرزقك بالزوج الصالح اللى يعينك ديما على طاعة ربنا ان شاء الله
دمتى بكل خير

______________________

ذكري رحيل قلم

وعليكم السلام ورحمة الله وبركاته
ويارب يسعدك ويكرمك ان شاء الله
وتشوفى ابنك ابن صالح بيحافظ على صلاته ان شاء الله
ربنا يجزيك خير على مرورك ويجعله فى ميزان حسناتك ان شاء الله
دمتى بخير

____________________

Hadota ... حدوتة

يارب كل الناس تبقى كده
جزاك الله خيراا على مرورك
وجعله الله فى ميزان حسناتك ان شاء الله

____________________

موناليزا

جزاكى الله خيراا لمرورك
وجعله الله فى ميزان حسناتك ان شاء الله

__________________

ريمان

ياريت بجد كل الناس تستيقظ فى صلاة الفجر اكيد حياتنا هتبقى حاجه تانيه
دمتى بكل خير

___________________

عاشقة الأحزان

وعليكم السلام ورحمة الله وبركاته
اللهم امييييييين
دمتى بخير وسعاده

__________________

arsenalwy

يارب يثبتنا جمعيا على دينه
ويعينا ديما على طاعته
دمت بخير

_________________

yoyo

اللهم اميييين
ويقدرنا ديما على طاعته ويتقبل منا صالح الاعمال
تسلمى على مرورك
ويارب يبارك فيكى ويجعل مرورك فى ميزان حسناتك ان شاء الله

______________

حياه بلا عنوان

ربنا يتقبل دعائك
ويبارك فيكى
وجزاكى الله خيرا على مرورك

__________________

طوبة ذهب وطوبة فضة

وتسلمى على مرورك ياجميل
دمتى بخير

_____________________

heba

وعليكم السلام ورحمة الله وبركاته
تسلمى على مرورك
وربنا يتقبل دعائك ان شاء الله
ويبارك فى الامه الاسلاميه كلها اللهم اميين
دمتى بخير وسعاده

_______________________

المجاهد الصغير

وعليكم السلام ورحمة الله وبركاته
اللهم اميين
جزاك الله خيرا على مرورك

_________________

elsha3er

وعليكم السلام ورحمة الله وبركاته
يارب الناس كلها تتغير للاحسن
وربنا يعينها على الطاعه وفعل الخيرات والاخلاص فيها
دمت بخير

__________________

فى قلبى نور

وعليكم السلام ورحمة الله وبركاته
يارب يثبتنا جميعا ويرزقنا الاخلاص فى القول والعمل
عليه افضل الصلاة والسلام