الثلاثاء، 11 أغسطس 2009

رمضان كريم



بسم الله الرحمن الرحيم
السلام عليكم ورحمة الله وبركاته
قال تعالى: (شهر رمضان الذي انزل فيه القران هدى للناس وبينات من الهدى والفرقان فمن شهد منكم الشهر فليصمه ومن كان مريضا او على سفر فعدة من ايام اخر يريد الله بكم اليسر ولا يريد بكم العسر ولتكملوا العدة ولتكبروا الله على ما هداكم ولعلكم تشكرون)سورة البقرة - آية 185


أكيد كلنا منتظرين شهر رمضان
شهر القرآن شهر العبادات
شهر الصوم




بس فى حاجه بتضايق اوى لما بشوفها
بيبقى فى صراع بشكل غريب واعلانات بشكل كبير
عن مسلسلات رمضان
وكأن رمضان بقى موسم مخصوص للمسلسلات والافلام
وتناسينا انه شهر القرآن والصوم والعبادات
بدلا من انه يبقى الصراع دا على البرامج الدينيه
والأدعيه والحاجات اللى بتقربنا من ربنا اكتر
علشان نخرج من رمضان واحنا معتوقين من النار
وكمان مش ضامنين حياتنا
مش ضامنين رمضان الجاى هنبقى موجودين
على الحياة
والا هنكون قابلنا وجه رب كريم
اكيد لو كل واحد عرف انه دا اخر رمضان له فى الدنيا
هيعمل كل اللى يقدر عليه من الطاعات
علشان يخرج منه ومعاه حسنات كتير
ويكون كمان من المعتوقين من النار
ربنا يجعلنا واياكم من المعتوقين من النار
والفائزين بالجنة ان شاء الله

وكمان شهر رمضان فيه اعظم ليله
الليله التى أنزل فيها القرآن
ليله خير من الف شهر
وهى ليلة القدركما قال عنها تبارك وتعالى





والعباده فيها لها اجر عظيم
قال رسول الله صلى الله عليه وسلم
" من قام ليلة القدر إيماناً واحتساباً غفر له ماتقدم من ذنبه وما تأخر "
وليلة القدر فى العشر الآواخر من رمضان وهى ليله فرديه







وربنا سبحانه وتعالى لم يحدد هذه الليله لحكمه
اننا نجتهد فى العباده والطاعات فى العشر الآواخر
حتى نحصل عليها
وهى ليله يتقبل الله فيها الدعاء ويكتب فيها الاقدار وتتنزل فيها الملائكه
فلذلك علينا ان نخص هذه الايام بالطاعه والذكر وقراة القرآن
ودعاء ليلة القدر
" اللهم انك عفو كريم تحب العفو فاعف عنا "اللهم ارزقنا واياكم ليلة القدر










كل عام والأمه الاسلاميه بخير

اللهم تقبل منا صيامنا وصلاتنا وقيامنا
تقبل الله من ومنكم صالح الأعمال
اللهم صلى وسلم وبارك على سيدنا المصطفى صلى الله عليه وسلم
اللهم انى استغفرك من كل الذنوب والخطايا لا اله الا انت سبحانك انى كنت من الظالمين





هناك 27 تعليقًا:

yoyo يقول...

صباحك سكر

كل سنة وانتى طيبة
رمضان كريم
يارب عليكى وعلى كل اسرتك يارب

yoyo يقول...

هو المشكلة ان رمضان بيكون وكانه شهر للدعاية عن اعلانات مسلاسلات و اعلانات سمنة واكل وكان الحياة كلها اتجسدت فى الشهر دا
حتى العبادات سبحان الله الكل بيصلى و الكل على الجامع و التزام
بس ليه مش نعبد ربنا طول السنة هو ربنا شهر واحد بس
ليه مش ناخد من رمضان خطوة صح التزام بدينا
ربنا يهدى الجميع يارب
ويقدرنا على الطاعة والعبادة الصح
اللهم آآآمين يارب العالمين
كل سنة وانتى طيبة
تحياتى
يويو

just dream يقول...

مونى فينك ياشيخه هههههههه مش تسالى عليا يابنت من اخر مره كنت معاكى انا مش عاوزة اشتمك بس اما اشوفك
المهم اولا كل سنه وانتى طيبه وبكل خير ورمضان الجاى مش عاوزة اشوفك فى الشارع عندنا اتجوزى بقى وريحينا هههههه
اما موضوع مسلسلات رمضان شفتى الخيبه وصلت لفين حتى المسلسلات اطلقوا عليها مسلسلات رمضان ربنا يعافينا والله
بس انا من رايى حتى من غير ماقول انه اخر رمضان علشان اجتهد اكتر هو اصلا شهر بجد بنستمتع بيه وبكل لحظه فيه مش كنت بقولك انا شميت ريحة ايام رمضان وايامه الجميله حقيقى احلى ذكريات واحلى واجمل ايام بشوفها فى حياتى
بس بجد هفتقدك رمضان الجاى شكلى هحصلك واخرج انا كمان من الشارع علشان مكونش لوحدى
كفايه كده علشان تعبت من الكتابه والبت سمروشهد رفعولى الضغط ههههههه
يلا نتقابل فى المسجد بعد التراويح ههههه

الفراغ يقول...

بارك الله فيكى
وفعلا احنا مش ضامنين نكون موجودين فى رمضان الجاى
ودى فرصه لمحاولة الاستمتاع بالعباده
ربنا يزيدك ايمان وزى ماوكيلة النيابه بتقولك
يارب تكونى فى بيتك رمضان الجاى ونفرح بيكى
كل عام وانتى بخير

غير معرف يقول...

السلام عليكم

كل سنه وانتى واسرتك طيبين

رمضان كريم

حنين

Pink Dreams يقول...

انا فعلا لاحظت ان المسلسلات كل سنه بتكتر عن السنه اللى قبلها

وانا بقرأ الجرنال من كام يوم اعلنوا فى الجرنال ان فيه السنه دى 50 مسلسل هيتعرضوا

هى الناس دى بتتفنن ازاى تبعد الناس عن اداء العبادات

دا طبعا غير البرامج الكتييييير جدا

بس دا كويس لينا لاننا كل ما قاومنا رغبتنا اننا نتفرج على المسلسلات دى وقمنا باداء فروضنا على اكمل وجه ان شاء الله ننول ثواب كبير

شكرا ليكى على البوست الجميل دا

وكل سنه وانتى طيبه

تحياتى

د. ياسر عمر عبد الفتاح يقول...

رمضان فرصة
مش لازم نضيعها في الجري ورا الحاجات التافهة

ربنا يعننا ويقدرنا

جزاكِ الله خيراً

صدفة جميلة يقول...

مهو زى المؤمنين بيجتهدوا للعباده فى هذا الشهر على الجانب الاخر نجد شياطين الانس تجتهد لالهاء الاخرين ضعفاء النفوس
عن العباده ويتم زلك من خالا لمسلسلات وافشخره الكدابه فى العزومات والاكل والبهرجه للاسف لنا الله ونساله ان يهدى الناس ويهدينا للخير والصواب
تقبلى مرورى
صدفه جميله

صدفة جميلة يقول...

مدونتك جميله
بس فيها حاجه مش عارف ليه
ليه الصوره الحزينه دى
يعنى

حياه بلا عنوان يقول...

السلام عليكم
اول كل سنه وانتى طيبه وكل امه محمد طيبين ورمضان كريم علينا وعلى الجميع
فعلا عندك حق الاعلانات عن المسلسلات بجد بضايق جدا وفعلا الواحد بقا يحس ان الشهر شهر موسم مسلسلات مش شهر مبارك وشهر كريم للعباده وتغفير الذنوب ربنا يارب يغفر للجميع وفعلا دى حاجه غريبه لما الكل يكون همه على المسلسلات فقط بجد بوست جميل فعلا ربنا يكرمك يارب ويبارك فيكى
تحياتى

♥نبع الغرام♥♪≈ يقول...

جزاكى الله كل الخير على التذكره وربنا يقدرنا ويعنا على طاعته

مودتى

كل سنه وانتى طيبه

ايناس

أعـــ * أصحاب * ـــز يقول...

كل سنه وانتو طيبين

مدونه شقاوة اخر حاجه

تدعوكم لزياره مدونه طيور الجنه بمناسبه شهر رمضان المبارك

ستجد رابط المدونه فى مدونه شقاوة اخر حاجه

هيا بنا لنساعد على نشر الاسلام وطاعه الله

وكل سنه وانتو طيبين

اعز اصحاب

طيـــ الجنه ــــور يقول...

عاوز تعرف دينك اكتر

وكمان ازاى تكسب ثواب وحسنات فى نفس الوقت

تعالوا زروروا مدونه طــ الجنه ـــور

اللى هدفها زياده الثقافه الدينيه وكمان خدمه الاسلام

عاوزين تعرفوا ازاى تخدموا اسلامكم انتوا كمان وتكسبوا ثواب

تعالوا وهتشوفوا بنفسكوا

noon kiko يقول...

كل سنه وانتى والمسلمين كلهم بخير
يارب يسعد ايامك كلها
بالنسبه للاعلانات فمع الشغل وشغل البيت بعد الرجوع م الشغل وتحضير الافطار ثم المفطر وصلاة التراويح..فقوليلى هنجيب وقت منين نتفرج ع التليفزيون
كل سنه وانتى طيبه

وردة يقول...

كل سنة وانتي بألف خير يارب
ربنا يبعدنا عن مسلسلات رمضان واعلانات رمضان ويثبتنا
ده اي عباة فيه جزائها مضاعف ازاي بس نضيع وقت منه في مسلسلات
جزاك الله عنا خير
ربنا يعزك
سلام

فى قلبى نور يقول...

كل عام وانت الى الله اقرب

* اللهم صل على سيدنا محمد *

المجاهد الصغير يقول...

السلام عليكم
جزاكِ الله خيرا
جعله الله فى ميزان حسناتك
كل سنه وانتم طيبين

------ يقول...

كل سنة وانت طيبة
تحياتى على البوست الجميل دا
ربنا يبارك فيكى
ويبلغنا رمضان ويعيده علينا باليمن والبركات
وانا سعدت جدا بزيارة مدونتك

تحياتى لكى

مرايتى يقول...

السلام عليكم ورحمة الله وبركاته
جزاكى الله خيرا
وكل سنه وانت طيبه وجميع المسلمين بخير
اللهم ارزقنا صيامه وقيامه على الوجه الذى يرضيك عنا
رزقنا الله واياكى ليلة القدر

heba يقول...

السلام عليكم ورحمة الله وبركاتة

كل سنة وانتى طيبة ورمضان كريم عليكى وعلى الامة الاسلامية وعلى الاسرة ان شاء الله وان شاء الله تعتق رقابنا من النار يارب فى شهر الخير اللهم امين يارب العالمين


تقبلى مرورى

HEBA

ghorBty يقول...

صمتـ

وحشاني اووي حبيبتي في الله .. ان شاء الله تكوني بخير

وكل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

ذكرى رحيل قلم يقول...

السلام عليكم
من رحيق الورود اهديكي ومن اعذب التهاني اهنيكي وبمناسبة العيد انا جيت اهو اعيد عليكي
كل سنة وانت طيبة واسرتك جميعا بصحة وسلام

تحياتي

osama44 اسامه 44 يقول...

كل سنه وانتى طيبه ومنوره
عيد سعيد عليكى

مرايتى يقول...

كل سنه وانت طيبه
تقبل الله منا ومنكم وعيد سعيد

غير معرف يقول...

ليه مفيش بوستات جديده ؟؟؟؟

ghorBty يقول...

فينك يا صمت يارب تكوني بخير

اشتقنالك وزيادة

طمنيني عليك

صمت الحنين يقول...

السلام عليكم ورحمة الله وبركاته

جزاكم لله خيرااا على مروركم الكريم

وكل سنه والجميع بخير ان شاء الله

اطمنى ياغربتى ان الحمد لله بخير
وانتى كمانى وحشانى والله
وجزاكى الله كل خير على سؤالك

دمتم كل خير