غربه وانتظار

حبيبى كان هنا مالى الدنيا علي بالحب والهنا

ما أقساكى يادنيا عندما يتغرب عنا اغلى الاحباب

سافر حبيبى وتغرب عن وطنه

وأصبحت أنا غريبه فى وطنى

فلا أشعر بأى طعم فى الحياة بدونك

فالقلب يبكى والعين تنزف لفراقك ياحياتى

كنت أعشق الليل فى حضورك ياحبيبى

كنت ارى فيه الحب و السكون والهدوء والامان

ومنذ ان سافرت

اصبحت لا ارى فيه غير الوحشه والخوف والوحده والآلم

اصبحت اعيش بين الناس جسدا بلا روح

فقد سافرت روحى معك ولن تعود الا معك

وسانتظر عودتك الىَ سالما باذن الله

واسأل الله أن يكرمك ويحفظك من كل سوء

اللهم اجمع شملنا على خير ان شاء الله

كل عام وانتم بخير

السلام عليكم ورحمة الله وبركاته

اللهم صلى وسلم وبارك على خير خلق الله سيدنا محمد صلى الله عليه وسلم

ولد الهدى فالكائنات ضياء ** **وفم الزمان تبسم وسناء

كل عام والأمه الاسلاميه بخير

رمضان كريم

بسم الله الرحمن الرحيم
السلام عليكم ورحمة الله وبركاته
قال تعالى: (شهر رمضان الذي انزل فيه القران هدى للناس وبينات من الهدى والفرقان فمن شهد منكم الشهر فليصمه ومن كان مريضا او على سفر فعدة من ايام اخر يريد الله بكم اليسر ولا يريد بكم العسر ولتكملوا العدة ولتكبروا الله على ما هداكم ولعلكم تشكرون)سورة البقرة - آية 185

أكيد كلنا منتظرين شهر رمضان
شهر القرآن شهر العبادات
شهر الصوم




بس فى حاجه بتضايق اوى لما بشوفها
بيبقى فى صراع بشكل غريب واعلانات بشكل كبير
عن مسلسلات رمضان
وكأن رمضان بقى موسم مخصوص للمسلسلات والافلام
وتناسينا انه شهر القرآن والصوم والعبادات
بدلا من انه يبقى الصراع دا على البرامج الدينيه
والأدعيه والحاجات اللى بتقربنا من ربنا اكتر
علشان نخرج من رمضان واحنا معتوقين من النار
وكمان مش ضامنين حياتنا
مش ضامنين رمضان الجاى هنبقى موجودين
على الحياة
والا هنكون قابلنا وجه رب كريم
اكيد لو كل واحد عرف انه دا اخر رمضان له فى الدنيا
هيعمل كل اللى يقدر عليه من الطاعات
علشان يخرج منه ومعاه حسنات كتير
ويكون كمان من المعتوقين من النار
ربنا يجعلنا واياكم من المعتوقين من النار
والفائزين بالجنة ان شاء الله

وكمان شهر رمضان فيه اعظم ليله
الليله التى أنزل فيها القرآن
ليله خير من الف شهر
وهى ليلة القدركما قال عنها تبارك وتعالى

والعباده فيها لها اجر عظيم
قال رسول الله صلى الله عليه وسلم
" من قام ليلة القدر إيماناً واحتساباً غفر له ماتقدم من ذنبه وما تأخر "
وليلة القدر فى العشر الآواخر من رمضان وهى ليله فرديه

وربنا سبحانه وتعالى لم يحدد هذه الليله لحكمه
اننا نجتهد فى العباده والطاعات فى العشر الآواخر
حتى نحصل عليها
وهى ليله يتقبل الله فيها الدعاء ويكتب فيها الاقدار وتتنزل فيها الملائكه
فلذلك علينا ان نخص هذه الايام بالطاعه والذكر وقراة القرآن
ودعاء ليلة القدر
" اللهم انك عفو كريم تحب العفو فاعف عنا "اللهم ارزقنا واياكم ليلة القدر

كل عام والأمه الاسلاميه بخير

اللهم تقبل منا صيامنا وصلاتنا وقيامنا

تقبل الله من ومنكم صالح الأعمال
اللهم صلى وسلم وبارك على سيدنا المصطفى صلى الله عليه وسلم

اللهم انى استغفرك من كل الذنوب والخطايا لا اله الا انت سبحانك انى كنت من الظالمين

سبحااااان الخااااالق

سلام الله عليكم ورحمته وبركاته

بما انى بحب الطبيعه والخضرا وبالذات منظر الغروووووب

ولازم اصوره بالهاتف طبعا

ودى جوله مع الشمس والقمر والطبيعه

سبحانك يااااااالله

طبعا فى ناس هتقول على الصورتين اللى فاتوا

دول مش تصوير او مش طبيعين

هقولهم لا كل الصور دى مصوره بالهاتف

ياااه على جمال القمر فى وسط كل هذا الظلام

سبحاااان الله

الغروب وروعته

ياااااربى على الابداع

أنظر الى هذه الطبيعه وهذا الكون

وحينها أتذكر

قول الله عزو وجل " ربنا ماخلقت هذا باطلاً سبحانك فقنا عذاب النار "

سبحان الخاااالق فيما خلق وابدع

سبحانك قادر على كل شىء

سبحانك اللهم وبحمدك استغفرك واتوب اليك

لا اله الا انت سبحانك انى كنت من الظالمين

ما اجمله من مشهد .......

السلام عليكم ورحمة الله وبركاته

اليوم بعد أذان الفجر خرجت الى البلكون واستوقفنى مشهد لفت انتباهى
رايت زوج وزوجته وطفلين وقد خرجوا لصلاة الفجر بجد الموقف دا أسعدنى كثيراااا
خصوصا الطفلين ربنا يبارك فيهم يااارب
الاكبر لا يتعدى 7 سنوات والطفل الآخر لا يزيد عن 5 سنوات
وقلت ياااااه لو كل الناس تستيقظ لاداء صلاة الفجر وطفلين فى هذا السن
يستيقظوا لاداء صلاة الفجرفى حين غفل الكثير من الشباب وناموا عنها
وان كان هناك احد فى هذا التوقيت توقيت صلاة الفجر ان كان على موعد مع حبيب
او كان ينتظر برنامج او فيلم لاستيقظ قبل الموعد بساعات ولم يغفل عنه
ولو علمنا أجر صلاة الفجر ومافيها لما تركناها ابداا لعلها تنفعنا فى يوم لا ينفع فيه مال ولا بنون

فقد قال الرسول صلى الله عليه وسلم الكثير عنها
" من صلى البردين دخل الجنة " البردين : صلاة الفجر والعصر
وقال الرسول صلى الله عليه وسلم " ركعتى الفجر خير من الدنيا وما فيها "
بعض المفسرون قالوا ان المقصود بها ركعتا السنه قب الفجر
فاذا كان ذلك اجر السنه فكيف باجر الفريضه اكيد هيكون اعظم واشمل
وقال الرسول صلى الله عليه وسلم ايضا عن صلاة الفجر " لو علموا مافيها لأتوها ولو حبوا "
وكان فى مجموعه اقترحوا حاجه اسمها حملة صلاة الفجر برنة تليفون
والفكره دى عجبتنى جدااا وهى حاجه بسيطه جدااا انه مثلا لو شخص استيقظ لصلاة الفجر
يرن على موبيلات اصحابه يعطيهم بس مزد كول ويكون سبب فى انه فى شخص تانى صلى الفجر
واكيد بياخد اجر من ربنا على كدا فياااااااارب يجعلنا جميعا من أهل الفجر

وعندما ارى اب قد خرج للصلاة فى المسجد وفى يده طفله الصغير مثل هذه المواقف

تسعدنى كثيرااا خاصتا الاطفال لما يكون فى طفل صغير يذهب الى المسجد

لاداء الصلاة فيكبر وقلبه معلق بالمسجد ويكون

من السبعه اللذين يظلهم الله فى ظله يوم لا ظل الا ظله " رجل قلبه معلق بالمساجد "

فياارب يبارك فى اطفال المسلمين جميعااا

وموقف اخر يحزننى كثيراا وهو فى يوم الجمعه عندما يكون هناك الائمه تلقى الخطب فى المسجد

فى حين ان هناك مجموعه من الشباب يلهون فياحسرة عليهم فادعوا الله أن يهديهم للحق
وهنيئا لمن قلبه معلق بالصلاة والمساجد

اللهم أعنا على شكرك وذكرك وحسن عبادتك
اللهم ارزقنا حبك وحب من يحبك وحب كل عمل يقربنا اليك

اللهم انى استغفرك من كل الذنوب والخطايا واتوب اليك

لا اله الا انت سبحانك انى كنت من الظالمين

أوقات تمر علينا

تمر علينا أوقات من الحزن

ولا نعلم كيف ومن اين أتت الينا

حينها

تضيق بنا الدنيا

والعين تملاؤها الدموع

والقلب يملاؤه الحزن

وتضيق الانفاس

فلا نرى الا ظلام

ولا نجد معنى للحياة

وحينها

لا نملك الا الدعاء الى الله عزوجل

أن يذهب عنا الهم والحزن

وأن يملاء قلوبنا بنور الايمان

وأن يعفو عنا

ويغمرنا برحمته

وأن ينظر الينا بعين الرضا

اللهم لك الحمد فى الضراء

ولك الحمد فى السراء

اللهم انى أستغفرك من كل الذنوب والخطايا وأتوب اليك

فتى / فتاة أحلامك

السلام عليكم ورحمة الله وبركاته

هناك مواصفات لكل فتى وفتاه فى شريك عمرها
طبعا بيبقى فى مواصفات أساسيه لا يمكن الاستغناء عنها فى الشخص اللى هترتبط به وكذلك هناك مواصفات ممكن نتنازل عنها او انها مش مهمه اوى يعنى مش اساسيه
وطبعا المواصفات دى بتختلف من شخص لآخر كل واحد على حسب الشخصيه اللى يقدر يتكيف معها

كنت أشاهد برنامج على احد القنوات الفضائيه كان البرنامج بيتكلم عن الشباب اللى بتاخد عقارات او حاجه زى كده علشان يبقى لهم عضلات وكده علشان البنات تعجب بيه ويبقى منظر وشخصيه ال يعنى مش هيبقى شخصيه من غير العضلات ههههه المهم كان فى البرنامج حوارات مع البنات فكانت المذيعه بتسال احدى الفتيات فبتقولها الانسان اللى هترتبطى بيه لازم يبقى له عضلات؟؟؟ ههههههه سؤال غريب صح او يمكن مش غريب يمكن انا بيتهيألى انه غريب تخيلوا قالت لها ايه اه طبعا لازم
شفتوا صفات الزوج بقت ازاى وطبعا فى بنات لها مواصفات تانيه زى لون العيون وتسريحة الشعر يكون مفلفل مثلا او سبيكى والطول والوزن ........الخ من الحاجات اللى انا شايفه انها كده بتفصل فستان مش بتختار عريس او عروسه
وكذلك الشباب ممكن بيبقى مواصفتهم من هذا القبيل اللى هى مواصفات شكليه كلها ودى كلها مواصفات اساسيه بالنسبه لهم
وفى ناس تانيه بتنظر للماديات هيبقى عنده شقه كام متر وموديل العربيه وفى الحاله دى فى بنات كتير بتوافق على رجاله ممكن فى سن والدها او اكبر منها بعشرين سنه على الاقل ومفكرتش فى يوم من الايام انه ممكن ده كله يروح فى لمح البصر وكذلك الشباب ممكن يتجوزوا ستات فى سن والدتهم كل ده علشان المال وكمان ممكن يكون شاب مناسب لها فى السن وتوافق عليه علشان مادياته تمام التمام واخلاقه فى الضياع
وعمر السعاده ما كانت بالمال
وللأسف نسينا أو تناسينا قول الرسول صلى الله عليه وسلم ( اذا جاءكم من ترضون دينه وخلقه فزوجوه )

وكلنا عارفين وشايفين نسبة الطلاق والخيانات الزوجية اللى منتشرة جدا فى عصرنا ده وكل دا بسبب الاختيار اللى من غير أى أساس دينى أو أخلاقى كل أساسه كان مبنى على حاجه هشه زى بيت العنكبوت اى حاجه تأثر فيه وتهدمه فى لحظه واللى بيضيع فى الاخر أطفال ملهمش أى ذنب فى كل ده

لكن الأخلاق والدين أساس قوى مش أى شىء يأثر فيه بسهوله لأنه قائم على تقوى وبركة من الله عزوجل بعيدا عن الشيطان
طبعا فى مواصفات اساسيه تانيه لا يمكن الاستغناء عنها من ناحية المستوى الفكرى والثقافى والشخصيه واخر حاجه الشكل طبعا يبقى مقبول الشكل مش شرط بقى لون العيون والحاجات دى

ياترى انت او انتى هتختار على اى اساس؟؟؟